➖ Mamlakatimizda yoshlarga oid davlat siyosati doirasida yoshlarning bo‘sh vaqtini mazmunli tashkil etish, ularni kasb-hunarga yo‘naltirish hamda g‘oya va tashabbuslarini qo‘llab-quvvatlash bo‘yicha keng ko‘lamli chora-tadbirlar amalga oshirilmoqda. Xususan, “Dolzarb 90 kun” loyihasidagi ishlar har bir hududda yangi bosqichga ko‘tarilgan.

◀️ Yangiqo‘rg‘on tumanidagi 3-umumta’lim maktabida 30 ta yo‘nalishda faoliyat yuritayotgan fan va sport to‘garaklariga 600 dan ortiq o‘quvchi-yoshlar jalb etilgan bo‘lib, bu ularning yozgi ta’til davridagi bo‘sh vaqtini mazmunli va samarali tashkil etishda muhim omil bo‘lmoqda.

✔️ Shuningdek, tashkil etilgan oilaviy 14 ta kasb-hunar to’garaklarida yoshlar turli yo‘nalishlar bo‘yicha amaliy ko‘nikmalarga ega bo‘lish bilan birga, daromad topish imkoniyatiga ham ega bo‘lmoqda. Ayniqsa, tadbirkorlik va hunarmandchilik borasida faoliyat olib borayotgan o‘gil – qizlarning oylik daromadi 12 million so‘mgacha boradi.

Namangan viloyati maktabgacha va maktab ta’limi boshqarmasi Axborot xizmati