Soʻnggi yillarda korrupsiyaga nisbatan murosasiz munosabatni shakllantirish, barcha sohalarda korrupsiyaga qarshi kurashish borasida qator ishlar olib borilmoqda.
Maktabgacha va maktab taʼlimi vazirligi tizimida ham aholini vazirlik va uning hududiy tuzilmalari, tizim tashkilotlari va muassasalari faoliyatining asosiy yoʻnalishlari bilan tanishtirish, dolzarb muammolarni tezkor hal etish, korrupsiyaga qarshi kurashish tizimi samaradorligini yanada oshirish, shuningdek, korrupsiyaviy xatti-harakatlarni oʻz vaqtida aniqlash, ularga barham berish, oqibatlari, keltirib chiqaruvchi sabab va shart-sharoitlarni bartaraf etishga qaratilgan “Korrupsiyaga qarshi kurashish oyligi” e’lon qilingan edi. Namanganda ta’lim tizimida korrupasiyaga qarshi kurashish masalalariga bag’ishlangan yig’ilishda viloyat maktabgacha va maktab ta’limi boshqarmasi boshlig’i A’zamjon Isakov, viloyat prokuraturasi vakili Islombek Sharipov, viloyat ichki ishlar boshqarmasi vakili Davron Yandashev hamda viloyatdagi barcha umumta’lim maktablari hamda maktabgacha ta’lim tashkilotlari direktorlari studiyalar orqali ishtirok etdi.
Tizimdagi mavjud salbiy korrupsion holatlar tanqidiy-tahliliy muhokama etilib, ta’lim maskanlarida ushbu illatga qarshi keskin kurashish, har bir xodim oʻz vazifasiga sidqidildan, mas’uliyat bilan yondashib ishlashi kerakligi alohida ta’kidlandi. Ilm dargohlarida korrupsiya va jinoyatchilikni oldini olish, noqonuniy pul yig‘imlariga yoʻl qoʻymaslik, davlat mulkini asrab-avaylash, sohada byudjet mablagʻlaridan toʻg’ri foydalanish, davlat xaridlari, ishga qabul qilish va boshqa yoʻnalishlarda korrupsiya holatlarga yoʻl qoʻymaslik, mansab vakolatini suiste’mol qilmaslik bo‘yicha shaxsiy mas’uliyat va javobgarlikni kuchaytirish lozimligi aytib oʻtildi. Qonun va me’yoriy-huquqiy hujjatlar talablariga rioya etmagan mas’ullarga nisbatan keskin ravishda javobgarlik masalasi belgilanganligi to’g’risida ogohlantirildi. Yig’ilish soʻnggida korrupsion harakatlarning ayanchli oqibatlariga bag’ishlangan videorolik namoyish etilib, ishtirokchilarning fikr – mulohazalari tinglandi.
Namangan viloyati maktabgacha va maktab ta’limi boshqarmasi Axborot xizmati
