“Pilol” mahallasidagi mazkur 13-sonli umumta’lim maktabida sinf xonalari etishmasligi tufayli oʻquvchilar 2 smenada oʻqishga majbur boʻlar edilar. Bu esa, tabiiyki oʻquvchilar, ularning ustozlari va ota-onalari uchun ham koʻplab noqulayliklar tugʻdirar edi.
Investisiya-2024 davlat dasturi asosida 3 mlrd. 269 mln.soʻm mablagʻ evaziga ” Chindovul qurilish info” MChJ tomonidan qurilish rekonstruksiya ishlari bajarilib, maktab yangi zamonaviy qiyofaga keltirildi.
Maktab yangi binosining ochilishiga bagʻishlangan tantanali marosimda Chust tumani hokimi B.Salimjonov, sektor rahbarlari, nuroniylar hamda tuman faollari ishtirok etdilar.
