Davlatobod tumanidagi 95 – umumiy o‘rta ta’lim maktabining 280 o‘rinli binosini mukammal ta’mirlash va 660 o‘rinli qo‘shimcha o‘quv binosi barpo etilishi hamda 12X24 o’lchamli sport zal qurilishi uchun 10 mlrd 691 mln so‘m investitsiya mablag’lari yo‘naltirilgan.
Viloyat maktabgacha va maktab ta’limi boshqarmasi boshlig’i A’zamjon Isakov ilm maskanida bo‘lib, qurilish – ta’mirlash ishlari bilan yaqindan tanishdi. Mas’ullarga qurilish ishlarini sifatli olib borish yuzasidan topshiriqlar berilib, loyihalarni belgilangan muddatda foydalanishga topshirish zarurligi ta’kidlandi.
Namangan viloyati maktabgacha va maktab ta’limi boshqarmasi Axborot xizmati
