Namangan shahridagi 26 – umumta’lim maktabida tashkil etilgan tadbirda viloyat hokimligi, Davlat xavfsizlik xizmati, Maktabgacha va maktab ta’limi boshqarmasi, Yoshlar ishlari agentligi, hamkor tashkilotlar, o‘quvchilar hamda keng jamoatchilik vakillari ishtirok etdi.
Marosimda Davlatimiz rahbari boshchiligida o‘tkazilgan sohaga oid videoselektor yigʻilishida belgilab berilgan vazifalar, “Dolzarb 90 kun” jarayonlarini yuqori saviyada tashkil etish masalalari ta’kidlab o‘tildi.
Aytish joizki, yoz davomida viloyatdagi 337547 nafar oʻquvchi-yoshlar qamrab olinadi.
Shahar tashqarisidagi oromgohlarda 6520, maktablar qoshidagi tashkil etilgan kunduzgi oromgohlarda 10000 nafar bola dam oldirilib, 11695 nafar o’quvchi “Barkamol avlod” bolalar maktablaridagi to‘garaklarga jalb etilishi rejalashtirilgan.
Namangan viloyati maktabgacha va maktab ta’limi boshqarmasi Axborot xizmati
