✅ Maktabgacha va maktab taʼlimi vazirligi hamda “Jadid” gazetasi tahririyati hamkorligida maktab oʻquvchilari oʻrtasida “Jadid bobomga maktub” tanlovi eʼlon qilinadi.
Tanlov shartlari quyidagilardan iborat:
➖ jadid maʼrifatparvarlaridan biriga xat tarzida yozilgan insho (daftar varagʻining 80 qatoridan oshmagan holda, husnixat bilan qoʻlda yozilgan boʻlishi shart);
➖ shaxsini tasdiqlovchi hujjati nusxasi, yashash manzili, bogʻlanish uchun telefon raqami, maktabi va sinfi koʻrsatilgan holda @Jadidtanlovi_bot telegram boti orqali joriy yil 20-iyundan 20-avgustga qadar qabul qilinadi.
➖ Tanlovga taqdim etilgan insholar 100 ballik tizimda baholanadi. Koʻchirilgan yoki sunʼiy intellekt ishtirokida tayyorlangan materiallar aniqlangan taqdirda tanlovdan olib tashlanadi.
✅ Tanlov gʻoliblari Diplom, jadidlar qalamiga mansub kitoblar toʻplami va quyidagi pul mukofotlari bilan mukofotlanadi:
📍 1 ta birinchi oʻrin – 5 000 000 (besh million) soʻm;
📍 2 ta ikkinchi oʻrin – har biri 4 000 000 (toʻrt million) soʻmdan;
📍 3 ta uchinchi oʻrin – har biri 3 000 000 (uch million) soʻmdan;
📍 10 ta ragʻbatlantiruvchi oʻrin – har biri 1 000 000 (bir million) soʻmdan.
➡️ Tanlov gʻolib va sovrindorlari Mustaqillik bayrami arafasida aniqlanadi hamda Maktabgacha va maktab taʼlimi vazirligi va “Jadid” gazetasining ijtimoiy tarmoq sahifalarida eʼlon qilinadi. Ularning ijodiy ishlari “Jadid” gazetasida chop etiladi.
👉 Shuningdek, birinchi oʻrin gʻolibi oʻqiyotgan maktab kutubxonasiga 1000 ta badiiy, ilmiy-ommabop kitob taqdim etiladi.
