Mohiniso Borotboyeva Yangiqoʻrgʻon tumanidagi 36 – maktabning 8-sinf oʻquvchisi. U olti yoshidan buyon oʻzbek xalq amaliy bezak sanʼatining kulolchilik yoʻnalishi boʻyicha shugʻullanib keladi. Qo‘li gul hunarmand tomonidan yasalgan buyumlar 700 dan oshiq bo‘lib, unda asosan shamot loyidan foydalaniladi. U Samarqand shahrida oʻtkazilgan “Sharq gavhari” musiqa va sanʼat tanlovida “Samarqand ayollari sanʼati” nomli ijodiy ishi orqali gran – pri sohibasi boʻldi. Yosh iqtidor egasining milliyligimizni aks ettirgan haykallari Dubaylik sanʼat ixlosmandlarining koʻnglidan joy oldi va 700 AQSH dollariga baholandi. O‘zgacha did, noodatiy uslub bilan yaratilgan dekorativ buyumlarni davlat tashkilotlari va muassasalari uchun buyurtma asosida tayyorlab, hozirga qadar 20 million so‘mdan ortiq daromadga ega bo‘ldi.
Namangan viloyati maktabgacha va maktab ta’limi boshqarmasi Axborot xizmati
