📍Tailand, Bangkok
✅Joriy yilning 26-iyul — 1-avgust kunlari bo‘lib o‘tayotgan (https://t.me/Fan_olimpiadalari_M/7004) 21-Xalqaro Geografiya Olimpiadasi (iGeo) mamlakatimiz tarixida yangi sahifa ochdi. Olimpiadada 50 ga yaqin davlatdan kelgan 180 nafar eng iqtidorli o‘quvchilar ishtirok etdi.
🇺🇿O‘zbekiston terma jamoasi ushbu xalqaro olimpiadada ilk medallarni qo‘lga kiritdi. Ikki nafar o‘zbekistonlik o‘quvchi bronza medali sohibiga aylandi.
Gʻoliblarimiz bilan tanishing:
🥉Mansurbek Tursunbayev – Namangan shahar 1-son IMI oʻquvchisi – Bronza medal
🥉Hamidullo Djurakulov – Samarqand tumani IMA IM oʻquvchisi – Bronza medal
📝2024-yili Terma jamoamiz vakillari ilk marotaba ishtirok etgan edi. Mazkur medallar Terma jamoamizning ilk medallari hisoblanadi. Shu bois bu yilgi natija — nafaqat geografiya fani, balki butun ta’lim sohasi uchun katta g‘alaba!
🌍iGeo — dunyo miqyosida eng bilimdon o‘quvchilarni birlashtiradigan xalqaro fan olimpiadasi bo‘lib, unda ishtirokchilar geografiya bo‘yicha yozma ish va dala amaliy mashgʻuloti, multimedia test topshiriqlarini bajaradi.
📌Bu yutuq O‘zbekiston yoshlari ilmiy salohiyatining ortib borayotganidan dalolat beradi va kelgusida yana yuqori marralarni egallash uchun kuchli turtki bo‘lib xizmat qiladi.
