➖ Namangan davlat texnika universitetida “Quvnoq startlar” sport musobaqasining Respublika bosqichiga tantanali start berildi. Tadbirda “Yoshlik” jismoniy tarbiya va sport jamiyati Markaziy kengashi bo‘lim boshlig‘i Baxtiyor Xidoyatov, viloyat maktabgacha va maktab ta’limi boshqarmasi boshlig‘i A’zamjon Isakov, sport boshqarmasi boshlig‘i o‘rinbosari Faxriddin Yunusov hamda mamlakatimizning barcha hududlaridan kelgan 196 nafar 5–8-sinf o‘quvchilari ishtirok etdi.
◀️ Marosimda so‘z olgan mas’ullar yurtimizda bolalar sportini rivojlantirish, sog‘lom turmush tarzini targ‘ib qilish va yosh avlod o‘rtasida jismoniy faollikni oshirishga qaratilayotgan e’tibor haqida so‘z yuritib, barcha qatnashchilarga zafarlar tiladilar.
✔️ Ushbu musobaqa jismoniy tarbiya va sportni ommalashtirish, harakatli o‘yinlarni keng yoyish, milliy g‘urur, iftixor tuyg‘usini mustahkamlash, shuningdek, iqtidorli sportchilar zaxirasini shakllantirish maqsadida o‘tkazilmoqda. Bellashuv 16-avgustga qadar davom etadi.
Namangan viloyati maktabgacha va maktab ta’limi boshqarmasi Axborot xizmati
