Ushbu tantanali marosimda shahar hokimi Anvarjon Otaxodjayev ishtirok etib, barchani yaqinlashib kelayotgan ayyom bilan qutladi. Bayram doirasida o‘quvchilar ishtirokida milliy qadriyatlarimizni targ‘ib etuvchi xalq o‘yinlari namoyish etildi. Shuningdek, milliy liboslar ko‘rgazmasi tashkil etilib, qizlar an’anaviy kiyimlarda sahnaga chiqishdi. Tadbir davomida kuy-qo‘shiqlar yangradi, Navro‘zga xos she’r va qo‘shiqlar ijro etildi. Mazkur tadbir Navro‘z bayramining ezgu g‘oyalarini tarannum etib, yoshlarga milliy qadriyatlarni chuqur singdirishda muhim ahamiyat kasb etdi.
Namangan viloyati maktabgacha va maktab ta’limi boshqarmasi Axborot xizmati
