Ushbu nufuzli turnirda ishtirokchilar o‘z mahoratlarini namoyish etib, kuchli raqobat muhitida bellashdilar. Tadbirda viloyat hokimi Shavkatjon Abdurazzoqov so‘zga chiqib, barcha shaxmat ixlosmandlarini yuksak e’tirof etdi. Shuningdek, u yig‘ilganlarni yaqinlashib kelayotgan “Navro‘z” ayyomi bilan qutlab, bayramning tinchlik va birdamlik ramzi ekanini ta’kidladi. G‘olib va sovrindorlar diplom va pul mukofoti bilan taqdirlandi.
Qayd etish kerak, mazkur turnirning asosiy vazifasi – shaxmatni aholi o‘rtasida keng targ‘ib qilish, uni ommaviy sportga aylantirish, yosh avlodning intellektual hamda madaniy rivojlanishi uchun zarur shart-sharoitlarni yaratish, yoshlarni professional shaxmatchilar sifatida tayyorlash va xalqaro grossmeysterlarni tanlash tizimini yo‘lga qo‘yish hisoblanadi.
Namangan viloyati maktabgacha va maktab ta’limi boshqarmasi Axborot xizmati
