Buyuk jadid alloma, adib va mutafakkirlarimizning boy ma’naviy merosini keng targ‘ib qilish orqali o‘quvchilarni kitobxonlikka jalb etish, ularda mustaqil va tanqidiy fikrlash hamda vatanparvarlik ko‘nikmasini shakllantirish maqsadida tashkil etilgan mazkur tanlovning viloyat bosqichida 9324 nafar o‘g’il – qizlar orasidan saralangan 28 nafar 6-10 – sinf o‘quvchilari uch shart asosida bellashdilar. Tadbirda Maktabgacha va maktab ta’limi vaziri o‘rinbosari Farhod Boqiyev qatnashib, ishtirokchilarga zafarlar tiladi. Qizg’in va murosasiz kechgan bahslarda Namangan shahridagi 27 – maktabning 8-sinf o‘quvchisi So‘g’diyona Abdumutallifova hamda Namangan tumanidagi 26 – maktabning 9 – sinf o‘quvchisi Ziyoda Qo‘chqorovalar tanlovning mamlakat bosqichida qatnashish huquqini qo‘lga kiritdi.
