Yangi O‘zbekiston – yoshlar ziyo maskanida “Kitobxonlik festivali”ning taqdirlash marosimi tashkil etildi.
“Eng kitobxon maktab”, “Eng faol kitobxon o‘quvchi”, “Ijodkor bolalar”, “Eng kitobxon oila” va “Eng faol kutubxonachi” kabi yo‘nalishlar bo‘yicha o‘tkazilgan kitobxonlik ko‘rik-tanlovlarida jami 35653 nafar o‘quvchilar qamrab olinib, 38 nafar g‘olib va sovrindorlar diplom hamda qimmatbaho sovg‘alar bilan mukofotlandi.
Ma’naviyat bayramida so‘z olgan Alisher Navoiy nomidagi O’zbekiston Milliy kutubxonasi direktori Umida Teshaboyeva, viloyat maktabgacha va maktab ta’limi boshqarmasi boshlig‘i A’zamjon Isakovlar nafaqat o‘quvchilar balki ta’limda faoliyat ko‘rsatayotgan har bir pedagogning kitobxon bo‘lishi shart va zarur ekanini alohida ta’kidladi. Diltortar kuy – qo‘shiqlar va o‘quvchi – yoshlarning beg’ubor raqslari tadbirga yanada mazmun va bayramona tantanavorlik kasb etdi.
Namangan viloyati Maktabgacha va maktab ta’limi boshqarmasi Axborot xizmati
