Namangan shahridagi Prezident maktabiga kirish imtihonlarining birinchi bosqichi Barkamol avlod sport majmuasi markaziy arenasi hamda Bilim va malakalarni baholash agentligining viloyatdagi binosida adolatli va shaffof tarzda bo‘lib o‘tmoqda. Mazkur jarayonlarda umumta’lim maktablarining 4 – sinfini tamomlagan 5388 nafar o‘quvchi ishtirok etmoqda. Tanlov darajasi shunchalik yuqoriki, birgina o‘rin uchun 224 nafar bola raqobatlashadi.
Imtihon savollari Kembrij Universitetining Cambridge Assessment International Education brendi ostida faoliyat yurituvchi imtihon kengashi tomonidan tayyorlangan bo‘lib, birinchi bosqichda o‘quvchilar matematika fanidan 30 ta topshiriqdan iborat test savollarini ishlashi kerak bo‘ladi. Belgilangan vazifani bajarish uchun 60 daqiqa vaqt ajratiladi. Birinchi bosqich sinovidan muvaffaqiyatli o’tgan 480 nafar talabgorlar 2-bosqichda qatnashadi. Ikkinchi bosqichda esa axborotni tahlil qilish va solishtirish qobiliyatini aniqlash bo‘yicha mantiq elementlari bo‘lgan matematika fanidan 40 ta masala, ingliz tilidan 40 ta test ishlanishi talab etiladi.
Prezident maktabiga kirish imtihonlarining ikkinchi bosqichi joriy yilning 31– iyul kuni bo’lib o’tadi
Namangan viloyati maktabgacha va maktab ta’limi boshqarmasi Axborot xizmati
