Viloyat maktabgacha va maktab ta’limi boshqarmasi boshlig’i A’zamjon Isakov Norin tumanida bo‘lib, 10-sonli davlat maktabgacha ta’lim tashkilotida “Ilk qadam” davlat oʻquv dasturiga asosan tashkil etilgan ta’limiy-tarbiyaviy faoliyat, yozgi sog’lomlashtirish mavsumida muassasadagi bolalarning salomatligini mustahkamlash, ma’nan va jismonan chiniqtirish, vaqtlarini unumli o‘tkazishlarini ta’minlash maqsadida amalga oshirilayotgan ishlar bilan yaqindan tanishdi. Tarbiyalanuvchilar uchun yaratilgan qulayliklar, sharoitlar o‘rganildi. Sport va musiqa xonalaridagi moddiy-texnik baza ko‘zdan kechirilib, kichkintoylarning mashg’ulotlardagi ishtiroki kuzatildi. Mas’ullarga mavjud kamchiliklarni bartaraf etish yuzasidan vazifalar yuklandi.
Namangan viloyati maktabgacha va maktab ta’limi boshqarmasi Axborot xizmati
