➖ Prezidentimiz raisligida maktab ta’limi tizimidagi islohotlar samaradorligini yanada oshirish hamda kelgusidagi ustuvor vazifalar yuzasidan o‘tkazilgan videoselektor yig‘ilishida topshirilgan masalalar ijrosiga qaratilgan ochiq muloqot bo’lib o‘tdi.
◀️ Unda Ichki ishlar vazirligi bo‘lim boshlig’i Dilorom Xudayberganova, maktabgacha va maktab ta’limi boshqarmasi boshlig’i A’zamjon Isakov, ichki ishlar boshqarmasi vakili Oqiljon Iqbolovlar hamda Namangan shahri, Yangi Namangan va Davlatobod tumanlarining maktab direktorlari, amaliyotchi psixologlari ishtirok etdi.
📝 Dastavval o‘quvchi-yoshlar ishtirokidagi yo‘l harakati bilan bog‘liq ko‘ngilsizliklarni oldini olish va bu boradagi mavjud muammolarni bartaraf etish, yoshlarga beparvolik bilan mashina boshqaruvini ishonib topshirish oqibatida sodir bo‘layotgan avtohalokatlar hamda ulardan jabr ko‘rayotgan bolalar xususida fikr yuritildi. O‘tgan davr mobaynida maktab o‘quvchilari tomonidan qo‘l urilgan jinoyatchilik holatlari birma – bir ko‘rib chiqilib, uning kelib chiqish sabablari tahlil qilindi.
♾ Videoselektor yig‘ilishida vazifa sifatida yuklatilgan “Dolzarb 90 kun” jarayonida amalga oshirilishi lozim bo’lgan ishlarga to‘xtalinib, yoz paytida o‘quvchilarning bo‘sh vaqtlarini mazmunli tashkil etish maqsadida ta’lim muassasalaridagi sport seksiyalarining uzluksiz ishlashini ta’minlash, shuningdek, “So‘nggi qo‘ngʼiroq” tadbirlarini o‘rnatilgan tartib asosida o‘tkazish kerakligi ta’kidlandi.
Namangan viloyati maktabgacha va maktab ta’limi boshqarmasi Axborot xizmati
