✅ Bugun Maktabgacha va maktab ta’limi vazirligi va BMT Bolalar jamg‘armasi (UNICEF)ning O‘zbekistondagi vakolatxonasi o‘rtasida hamkorlik bitimi imzolandi.
Ushbu tashabbus Islom taraqqiyot banki (IsDB), Islom birdamlik jamg‘armasi (ISFD) va Global ta’lim hamkorligi (GPE) tomonidan moliyalashtirilayotgan “SmartED” loyihasi doirasida amalga oshirilmoqda.
🌐 Loyihaning asosiy maqsadi — O‘zbekistonda ta’lim sifatini oshirish, o‘quv dasturlari va materillarini yangilash, barcha bolalar, jumladan, qizlar va alohida ta’lim ehtiyojlari bo‘lgan bolalar uchun inklyuziv va kompetensiyaga asoslangan ta’lim muhitini yaratishdan iborat.
Hamkorlik doirasida amalga oshiriladigan asosiy yo‘nalishlar:
📝 Milliy o‘quv dasturi va baholash tizimini yangilash: kompetensiyalarga asoslangan, hayotiy ko‘nikmalarni rivojlantiruvchi va ijtimoiy-emotsional o‘qitishni qo‘llab-quvvatlovchi yangi mazmunga ega dasturlar ishlab chiqiladi.
🔹O‘qituvchilar salohiyatini oshirish: zamonaviy pedagogika, o‘yin asosida o‘qitish, o‘quvchi markazlashgan yondashuv va raqamli vositalardan foydalanish bo‘yicha o‘qituvchilar tayyorlanadi.
➖ Ta’limda inklyuzivlikni kengaytirish: ijtimoiy himoyaga muhtoj bolalar uchun teng va sifatli ta’lim olish imkoniyatlari yaratiladi.
🌍 Iqlim o‘zgarishiga mos ta’lim: ta’lim muassasalarida iqlim xabardorligini oshirish va barqaror rivojlanish maqsadlariga yo‘naltirilgan kontentni integratsiya qilish.
📊 Xalqaro va mahalliy hamkorlik: UNICEF va xalqaro ekspertlar bilan birgalikda global ilg‘or tajribaga asoslangan yechimlar joriy qilinadi.
