➖ O‘zbekiston Respublikasi Prezidentining 2024- yil 23 – sentyabrdagi PQ-330-sonli Qarori ijrosini ta’minlash maqsadida Maktabgacha va maktab ta’limi vaziri o‘rinbosari Sardor Radjabov Uychi tumanida bo‘lib, u yerda o‘ziga biriktirilgan xonadonlardagi aholi bilan uchrashuvlar o‘tkazdi.
◀️ Samimiy muloqot davomida fuqarolarning muammo va takliflari tinglandi, aholini o‘ylantirayotgan dolzarb masalalarga e’tibor qaratildi. Shuningdek, tumanning “Obod”, “O‘nhayat”, “Guliston” va “Pastguzar” mahalla fuqarolar yig‘inlari hududidagi 10 ta xonadonda o‘rnatilgan 5 kVt quvvatga ega quyosh panellari o‘rganildi.
✔️ Ma’lumki, mazkur texnologik yechimlar elektr energiyasini barqaror yetkazib berishda muhim omil bo‘lmoqda. Uy xo‘jaliklari quyosh panellari orqali nafaqat o‘z ehtiyojlarini qondirish, balki ortiqcha ishlab chiqarilgan energiyani davlatga sotish bilan bir qatorda qo‘shimcha daromad olish imkoniyatiga ham ega bo‘lmoqda.
💬 Bu esa aholi daromadlarini oshirish, kambag‘allikni qisqartirish hamda yashash darajasini yaxshilashga xizmat qilmoqda.
Namangan viloyati maktabgacha va maktab ta’limi boshqarmasi Axborot xizmati
