Joriy yilning 14-fevral kuni o‘tkazilgan O‘zbekiston Respublikasi Prezidentining yoshlar bilan ochiq muloqoti doirasida belgilangan asosiy vazifalar ijrosini ta’minlash, shuningdek, yoshlarning tashabbuslarini qo‘llab-quvvatlash, ilm-fanni ommalashtirish maqsadida “O‘zbekiston Respublikasi Prezidentining yoshlar bilan ochiq muloqotida belgilangan vazifalarni amalga oshirishga doir chora-tadbirlar to‘g‘risida”gi 61-sonli Prezident farmoni imzolangan edi.
Farmon bilan Toshkent shahri Olmazor tumani tajribasi asosida respublikaning har bir tumanida kamida 1 tadan maktabda muhandislik laboratoriyalarini tashkil etib, ularni zarur jihozlar bilan ta’minlash vazifasi belgilandi.
Respublika ishchi guruhi vakillari ushbu vazifalar ijrosi borasida Uychi tumanida tashkil etilgan ishlarni oʻrgandi hamda ishlarni yanada jadallashtirish, laboratoriya xonalari tashkil qilish, jihozlash yuzasidan tegishli tavsiya va koʻrsatmalar berildi.
