Uchqoʻrgʻon tumanidagi 45-maktab kapital ta’mirdan chiqib, 700 oʻrinli zamonaviy ta’lim majmuasi sifatida foydalanishga topshirildi. Prezidentimiz ta’lim tizimini rivojlantirish, oʻquvchi va oʻqituvchilar uchun munosib sharoit yaratish borasidagi islohotlarning amaliy natijasi sifatida bu kabi loyihalar izchil davom etmoqda.
Mazkur ta’mirlash ishlari uchun 8 mlrd 400 mln soʻm mablagʻ ajratilgan boʻlib, maktabning oʻquv sigʻimi 320 oʻrindan 700 oʻringacha kengaytirildi. Bu esa hududdagi ta’lim bilan qamrovni kengaytirish, oʻquvchilar uchun qulay va zamonaviy shart-sharoitlar yaratish imkonini berdi.
Ta’mirlash ishlari doirasida yangi sinf xonalari va laboratoriyalar, zamonaviy sport zali va kutubxona, ovqatlanish uchun qulay oshxona, oqilona infratuzilma va xavfsizlik tizimi zamonaviy holatga keltirildi.
Bugungi kunda Uchqoʻrgʻonda ta’lim muassasalarini zamonaviy talablar asosida rivojlantirish ishlari izchil davom etmoqda. Yangilanayotgan maktablar nafaqat oʻquvchi, balki oʻqituvchilar uchun ham qulay muhit yaratib, ta’lim sifatini yangi bosqichga olib chiqishga xizmat qiladi.
