➖ Prezidentimiz rahbarligida o‘tkazilgan videoselektor yig‘ilishida maktab ta’limi tizimidagi islohotlar samaradorligini oshirish, o‘quvchilarning bo‘sh vaqtini mazmunli va samarali tashkil etish masalalariga alohida e’tibor qaratilgan edi.
🔗 Mazkur topshiriqlar ijrosini ta’minlash maqsadida “Dolzarb 90 kun” tashabbusi Uchqo‘rg‘on tumanidagi 46 ta maktabda izchil amalga oshirilmoqda. Yozgi ta’til davomida yoshlar fan to‘garaklari, sport va musiqa mashg‘ulotlari, shuningdek, kitobxonlik bellashuvlariga faol jalb etilmoqda.
✍️ Bugun viloyat hokimi o‘rinbosari Otabek Bozorov tumandagi 3- va 8-umumta’lim maktablarida bo‘lib, mazkur loyiha doirasida olib borilayotgan ishlar bilan yaqindan tanishdi.
✔️ Unda muassasalarida tashkil etilgan to‘garaklar faoliyati, o‘quvchilarning darsdan bo‘sh vaqtlarini mazmunli o‘tkazishlari uchun yaratilgan sharoitlar ko‘zdan kechirildi.
💬 Amaliy mashg‘ulotlar jarayoni kuzatilib, o‘g’il – qizlar bilan ochiq va samimiy muloqot o‘rnatildi. Ularning fikr va takliflari tinglandi, dolzarb masalalar yuzasidan tavsiyalar berildi.
Viloyat maktabgacha va maktab ta’limi boshqarmasi Axborot xizmati
