Namangan viloyati hokimi Shavkatjon Abdurazzoqov “Tibbiyotda 90 kunlik oʻzgarishlar” dasturi doirasida Chortoq tumanidagi 52-sonli oilaviy poliklinikada boʻlib, bemorlar uchun yaratilayotgan sharoitlarni oʻrgandi.
Xususan, kutish zallarida qulay oʻrindiqlar oʻrnatilishi, navbat tizimining samarali tashkil etilgani, “ona-bola” xonalari mavjudligi, nogironligi bor fuqarolar uchun inklyuziv muhit yaratilganiga alohida e’tibor qaratildi.
Shundan soʻng 7- va 28-umumta’lim maktablarida boʻlib, ta’lim jarayonlari hamda oʻquvchilar uchun yaratilgan shart-sharoitlar bilan tanishdi.
Viloyat hokimi ta’lim sifatini yanada oshirish, maktab infratuzilmasini yaxshilash va pedagoglar faoliyatini qoʻllab-quvvatlash borasida mas’ullarga aniq topshiriq hamda tavsiyalar berdi.
Shuningdek, hokim bitiruvchi sinf oʻquvchilari bilan uchrashib, ularning kelajak rejalari, oliy ta’lim muassasalariga kirishga tayyorgarlik jarayoni va orzu-maqsadlari bilan qiziqdi.
