Bordimkoʻl mahallasida joylashgan ushbu maktab tumandagi eng namunali ta’lim muassasalardan biridir. Bunga jamoaning ahilligi asosiy sabab, erishilayotgan yutuqlar zamirida ta’lim-tarbiyaning birgalikda olib borilayotgani mujassam. Yoz boʻyi “Dolzarb 90 kunlik” tadbirlari oʻquvchilarning faolligida tashkillandi va hozirda ham qizgʻin davom etmoqda.
Shuningdek, “Tashabbusli byudjet” loyihasining birinchi mavsumida maktabda yopiq sun’iy qoplamali stadion qurish taklifi gʻolib boʻlib, 1 milliard 490 million soʻm mablagʻ qoʻlga kiritildi va ayni kunlarda qurilish ishlari olib borilyapti.
Shavkatjon Abdurazzoqov maktablarda boʻsh turgan er maydonlaridan unumli foydalanish, daromad topib moddiy-texnika bazasini mustahkamlash borasidagi takliflarini berdi.
Shuningdek, viloyat hokimi Kalvak mahallasida Investisiya dasturiga asosan 10 milliard 414 million soʻm ajratilib, mukammal ta’mirlanayotgan va uch qavatli 300 oʻrinli qoʻshimcha bino qurilayotgan 26-umumta’lim maktabidagi jarayonlar bilan tanishdi.
Toʻraqoʻrgʻon tumani hokimligi Axborot xizmati.
