📚Muhammadsharif So‘fizoda nomidagi Namangan viloyat bolalar kutubxonasida 2-aprel – “Xalqaro bolalar kitoblari kuni” munosabati bilan O’zbekiston Yozuvchilar uyushmasi Namangan viloyati bo‘limi a’zolari hamda ijodkor yoshlar ishtirokida “Kitob-ilm ziyosi” mavzusida tadbir o’tkazildi.
📖 Bayramona ruhda tashkil qilingan kechada Chortoq tumanidagi 53-sonli umumta’lim maktabi o‘quvchilari tomonidan tayyorlangan kitobxonlikni keng targ‘ib qiluvchi she’rlar,kuy-qo‘shiqlar ijro etilib, turli asarlar yuzasidan badiiylashtirilgan sahna ko‘rinishlari namoyish qilindi. Uchqo‘rg‘onlik yosh ijodkor Muazzam Nabijonovaning “Orzular fasli” nomli kitob taqdimoti esa yig’ilganlarda iliq taassurot qoldirdi.
🗞Tadbir yakunida o‘quvchi-yoshlarning bahorgi ta’tilda vaqtlarini mazmunli o‘tkazish maqsadida 5-11-sinf o‘quvchilari o‘rtasida o‘tkazilgan “Kun savoli” onlayn tanlovining g‘oliblari taqdirlandi. Eng faol va bilimdon ishtirokchilarga faxriy yorliqlar hamda esdalik sovg‘alari topshirildi.
Namangan viloyati maktabgacha va maktab ta’limi boshqarmasi Axborot xizmati
