“Orom” tantanalar majmuasida bo‘lib o‘tgan tadbirda Chortoq tuman hokimi Ilhomjon Sattarov, Ichki ishlar bo‘limi boshlig‘i Muzaffar Nu’manov, Maktabgacha va maktab ta’limi bo‘limi boshlig‘i Samandar Mamatvaliyev, bo‘limning ta’lim tashkilotlarida tarbiyaviy ishlarni tashkil etish bo‘yicha bosh mutaxassisi Gulbahor Gʻofurova, shuningdek, umumta’lim maktablarining ma’naviy-ma’rifiy ishlar bo‘yicha direktor o‘rinbosarlari ishtirok etdilar.
Tadbir davomida tuman hokimi Ilhomjon Sattarov bolajonlarni samimiy tabriklab, ular uchun davlatimiz tomonidan yaratilayotgan imkoniyatlar, e’tibor va g‘amxo‘rliklar haqida alohida to‘xtalib o‘tdi.
Bayram tadbirida maktabgacha ta’lim tashkilotlari tarbiyalanuvchilari tomonidan quvnoq musiqiy chiqishlar namoyish etildi.
Yakunda bolajonlarga bayram sovg‘alari topshirildi.
